Ідэя свята — паказаць, што беларуская мова не толькі жыве і развіваецца, але натхняе шматлікіх людзей на цікавыя і яскравыя праекты, акрыляе на добрыя справы.
22 лютага на двух паверхах бізнэс-клубу Imaguru (Мінск, вул. Фабрыцыўса, 4) адбудзецца «Свята Роднай Мовы». Мерапрыемства прымеркаванае да Міжнароднага дня роднай мовы, які з ініцыятывы UNESCO традыцыйна адзначаецца ва ўсім свеце 21 лютага.
У гэтым годзе каманда «Арт Сядзібы» і культурніцкая пляцоўка «Беларуская Прастора» вырашылі сабраць шматлікія беларускамоўныя творчыя ініцыятывы, моўныя курсы, бізнес-праекты, вытворцаў сувеніраў і паштовак, цікавых музыкаў і адметных творцаў разам на «Свяце Роднай Мовы».
Свята пачнецца ў 14.00. Кошт квіткоў: 30 тысяч. Квіткі можна будзе набыць у касе бізнес-клубу Imaguru ў дзень мерапрыемства на ўваходзе ў будынак. Дзецям да 12 гадоў уваход вольны.
Отредактировано Участник Клуба (18 февраля 12:13 pm)